Rusiye, ukrain siyasiy mabüsleriniñ, hususan, müstemlekelerinde zornen tutulğan qırımtatarlarnıñ diniy aqlarını muntazam sürette boza. Namaznıñ yasaq etüvi, basqı ve öz-özüni ayırıluvına dair çoqtan-çoq allar qayd etildi.
Bunıñ aqqında İnsan aqları boyunca Yuqarı Şurasınıñ vekili Dmıtro Lubinets bildirdi.
Lübinetsniñ aytqanına köre, mabüslerni er künlik musulman namazlarını qılmağa tırışqanları içün cezalandıralar. Böyleliknen, cemaatçı qırımtatar jurnalisti Remzi Bekirovnı namaz qılmağa tırışqanı içün ceza hanesine yollağanları belli. Onıñ bu qararğa istinaf bermege tırışması tek red etilmey, müstemleke idaresi munasebetiniñ daa beterleşmesine ketire.
"Bu ayrı vaqialar degil: diger siyasiy mabuslerniñ soy-sopları bizim İdarege apiske alınğanda diniy ümdelerni riayet etmege tırışqan adamlarğa yapılğan basqı aqqında şikâyetlernen bir qaç kere muracaat ettiler. Orazadan soñ iftar vaqtında aşamaqta, em de diger farz diniy riayetlerni becerüvde mania olğan allar da qayd etildi", – qayd etti Lubinets.
Lubinets, böyle munasebetniñ azaplavğa teñ olğanını ve halqara uquqnı ciddiy bozğanını qayd etti. O, halqara cemiyetni Rusiyege tesir etmek içün tedbirler körmege, diniy taqiplerni toqtatmağa ve qanunsız tutulğan ukrainlerni azat etmege çağırdı.
Telegram, WhatsApp ve Facebookta Suspilne Qırım haberlerine abune oluñız