İşğal etilgen Sevastopoldeki (Aqyar)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı başlanğıç mektepteki talebelerni rusiye ordusını maqtalğan yırlarını ezberlep Ukrainağa qarşı cenkleşken RF arbiylerine yırlamaq içün mecbur eteler.
Bunıñ aqqında "Sarı şerit" tirenüv cemaat areketi, mayıs aynıñ 10-nda Telegram-da bildirdi.
"Bu yırlarnı "MAA veteranlar" (MAA dep Rusiyede Ukrainağa qarşı cenkni adlaylar) mekteplerge propagandacılıq maqsatlarınen ziyaret etkende yırlamaq içün balalar metinni evde ezberlemek kerekler", – qayd ettiler faaller.
Ayrıca, yırlarda RF ordusı – "evlâtlarnıñ aziz imayecisi" olğanı qayd etile. Daa üçünci beyitinde balalar rusiye arbiyi olmaq olarnıñ "gizli arzusı" olğanını ve kelecekte talebe "küçlü, cesür, ğururlı arbiy" olacağı aqqında yırlamaq kerekler.
Hatırlatayıq ki, mayıs aynıñ 9 RF ve Ukraina VİT-da, ayrıca Qırımda, yerli ealini faal sürette askerleştireler. Siyasetşınas Yevğeniya Ğörünova Suspilne Qırımğa zemaneviy cenkte aqiqiy ğalebelerniñ olmağanı sebebinden Rusiye sovet keçmişine asretlikni istismar ete, dep ayttı.
Telegram, WhatsApp ve Facebookta Suspilne Qırım haberlerine abune oluñız