Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) sakini Anatoliy Kobzar 2024 senesi saban ayınıñ 5-nde Qırımnıñ diger rayonına işke ketti, amma evge qaytmadı. Ertesi künü onıñ evi tintildi, Ukrayin vesiqaları alındı. Amma adamnı ne içün tutqanları ve bulunğan yeri aqqında malümat berilmedi.
Suspilne Qırım, Kobzarnıñ qardaşı Natalâ Fluris ve Qırımtatar maaliy merkeziniñ (QMM) yolbaşçısı Eskender Bariievden Ukrayinliniñ zorbalıqnen ğayıp oluvınıñ tafsilâtlarını ögrendi.
Qardaşınıñ aytqanına köre, saban ayınıñ 5-nde, Natalânıñ doğğan kününde, Anatoliy Bağçasaray rayonına işke ketti. Onı beyaz mikroavtobus toqtattı. Yanında yaşağan insanlar Flüriske, küç hadimleri Kobzarnı maşinadan çıqarıp, zornen öz maşnasına oturtqanını tasdıqladılar.
Ertesi künü, saban ayınıñ 6-nda, aynı o mikroavtobus Ukrayinliniñ evine keldi. Rusiye işğalşi quvetçileri tintüv keçirip, adamnıñ Ukrayin vesiqalarını, SIM-kartlarını tutıp aldılar, amma bir izaat bermediler.
"Olar bu saba saat 9:30ta keldiler. Şübeler aqqında kâğıt oqudılar. Onıñ şahsiy vesiqaları, SIM-kartları alındı. Olar yaqın vaqıtta bağlanacaqlarını ayttılar, amma kimse bağlanmadı. İşte, piçen ine kibi. Ğayıp oldı, o qadar. Anası onı alıp ketken müessisege yaza. Cevaplar böyle edi: "O bizde degil", — dep ğayıp olğan adamnıñ qardaşı tarif etti.
Eki aftadan soñ Anatoliyniñ maşnası Bağçasaray rayonında pencereleri qırılğan alda tapıldı. Kobzarnıñ qardaşı yardım sorap muracaat etken QMMniñ idarecisi Eskender Bariievniñ aytqanına köre, bu zorbalıqnen yapılğan ğayıp etilüvniñ delili ola.
"Onıñ silâlı ğayıp olmasınıñ sebebi daa belli degil. Biz, bunıñ siyasiy sebepleri bar, dep tüşünemiz. Birinciden, insanlarnı esir alalar, ve kerekli delillerni toplamaq içün olarnı işkencege oğratalar", — dedi Bariiev.
Natalâ, qardaşınıñ Qırım işğal etilgen soñ da Ukrayinağa sadıq qalğanını qayd etti. Onıñ maşnasında Ukrayina bayrağı bar edi, Kobzar soyadı ise timsaliy bir şeydir.
"O, er vaqıt Ukrayina içün qasevetlene edi, çünki bu cenk er kes içün belâdır", — dep qoştı o.
Eskender Bariiev dedi ki, QMM, ruslarnıñ Anatoliyni nezaret etkenleri yerni evelden taptı. Bu, Simferopoldaki (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adteki) SİZO olmalı. Amma, onıñ qabaatlavı aqqında malümat yoq.
"Bizim menbaımız, şimdilik, onıñ bir yerde tutulğanı aqqında malümat berdi. İlk evelâ — Simferopol (Aqmescit — terciman) SİZOsında buluna. Olar böyle qutularnı maqsatnen yaptılar. Anda olarnı qayd etmeyler — anda tutıp alalar", — dedi o.
QMM şimdi Kobzar davasınıñ vesiqalarını toplay ve olarnı BMTnıñ zorbalıqnen ğayıp oluv meseleleri işçi gruppasına bermege planlaştıra.
"Rusiye, BMTnıñ nizamnamesine riayet etkenini köstermege tırışa. Anatoliyge qaytsaq — o, Ukrayin pasportını saqladı, bizim içün o Ukrayina vatandaşıdır ve biz onı qorçalamaq kerekmiz", — dep Bariiev qayd etti.
Evel Anatoliyniñ tuvğanları onı gizliden-açıq tapmağa tırıştılar, amma muvafaqiyetsiz oldılar. Kobzarnıñ qardaşınıñ aytqanına köre, o, şimdi dünya diqqatını özüne celp ete.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız