İşğal etilgen Qırımnıñ cenübiy yalısında çiçek aynıñ 26-da dört zelzele olıp keçti: bir deñizde, üçü ise Uçan-Su tarafında.
Bu aqta işğal etilgen Vernadskiy adına Qırım federal universitetiniñ seysmologiya ve geodinamika institutınıñ direktorı Yuriy Volfman RİA "Novosti Krım" teşviqat haber agentligine tefsirinde bildirdi.
"Lâkin olar qarada yerleşkenleri ve terenligi aşağı olğanı içün, ep zayıftır", — dep qayd etti o.
Volfmannıñ aytqanına köre, yüksek qatlı binalarnıñ yuqarı qatlarında yaşağan Yalta sakinleri bu yer teprenüvleri sebebinden zayıf titrevlerni duya bile ediler. Aynı vaqıtta bu sarsıntılar ciddiy yoq eticilikke ketire bilmeyler.
Onıñ muavini Marina Bondar qoştı ki, çiçek aynıñ 26-da olğan eñ küçlü zelzeleniñ küçü 2,3 edi.
Telegram, WhatsApp ve Facebookta Suspilne Qırım haberlerine abune oluñız