Herson bediiy müzeyi, işğalciler tarafından hırsızlanğan daa bir sanat eserini identifikatsiya etti.
Facebookta Herson Bediiy Müzeyiniñ saifesinde bu aqqında haber berdiler.
Harkiv ressamı İğor Stahanovnıñ (1926-2008) "Ulu Kobzarğa" (1964) renkli linoleum oyma resimi aqqında laf etemiz. 2023 senesi arman ayında Tavrida Merkezi müzeyinde işğal mediası tarafından propaganda süjetinde onıñ parçası kösterildi.
Bundan ğayrı, bu stop-kardda evelden identifikatsiya etilgen daa üç eser kösterildi:
- Anatoliy Platonov (1927-2005). Çufut Qale. Bağçasaray. 1986. Keten, yağ boyası.
- Kseniya Stetsenko (1959 senesi doğdı). Şaqayıqlar, haşhaşlar, yüzüm. 1998. Karton, yağ boyası.
- İvan Starenkov (1955-2010). Tertsiya. 1996. Keten, yağ boyası.
Telegram, Viber ve Facebookta Suspilne Qırım haberlerine abune oluñız