UTH işğal etilgen Qırımdaki "Saq" arbiy uçaq limanına ücümini tasdıqladı

Важливо
İlüstrativ foto. Novofedorivka, Qırım. Фото: Reuters

Berim ayınıñ 21-iniñ gecesi USQniñ ADQnen beraber Ukraina Telükesizlik hızmeti, işğal etilgen Qırımdaki "Saq" arbiy uçaq limanına büyük ateş ücümini yaptı.

UTHdeki Suspilne Qırımnıñ menbası bu aqqında haber berdi.

Bildirildi ki, uçaq limanında eñ az 12 arbiy uçaq (Su-24 ve Su-30) ve "Pantsır" PZRK bar edi. "Mojaher" uçucısız aletleriniñ opertatorlarını azırlama bazası da anda buluna edi.

Öz ava ücümlerini idare etmek içün ve arbiy ücüm dronları olaraq ruslar, tamam bu uçucısız aletlerni qullanırlar.

"Telükesizlik hızmeti ve Arbiy-deñiz quvetleriniñ ücümleri maqsadına iriştiler ve işğalcilerniñ tehnikasını pek bozdılar. Duşmannı darbe endirmek içün rusiye ava mudafaası sistemasını aşırıcınen yüklengen uçucısız aletler qullanıldı", — dep UTH haber berdi.

Hatırlatamız ki, berim ayıniñ 21-iniñ gecesi bir qaç uçucısız aletler gruppası tarafından Qırım ücüm etildi. Kezlev, Aqmescit, Aqyar, Saq, Novofedorivka ve başqa meskün yerlerniñ sakinleri, patlamalar aqqında haber berdiler. Rus ordusınıñ ava mudafaası sisteması, 19 uçucısız aletni sanki mahv ete bilgen.

Telegram, Viber ve Facebookta Suspilne Qırım haberlerine abune oluñız