Qırım partizanları Aqyarda "Oniks" supersesli raketalarınıñ taşıyıcısınıñ taşınğanını qayd ettiler

Qırım partizanları Aqyarda "Oniks" supersesli raketalarınıñ taşıyıcısınıñ taşınğanını qayd ettiler

Qırım partizanları Aqyarda "Oniks" supersesli raketalarınıñ taşıyıcısınıñ taşınğanını qayd ettiler
Aqyarda "Bastion-P" yalı raketa kompleksi. Фото:Telegram/Атеш

İşğal etilgen Aqyarda "Ateş" arbiy-partizan areketi, "Oniks" supersesli raketalarınıñ esas taşıyıcılarından biri olğan "Bastion-P" yalı raket akompleksiniñ taşınğanını qayd etti.

Öz Telegram kanalında "Ateş" bu aqqında haber berdi.

"Aqyarda istihbarat faaliyeti yapanda bizim agentimiz, "Bastion-P" yalı raket akompleksi olaraq belli olğan eki "SPU 340P"nıñ taşınğanını qayd ete bildi", — dep bildirildi.

Bundan ğayrı, radioelektron qarşılıq şartlarında çeşit türlü suv üzerindeki gemiler ve topraq üzerindeki maqsatlarnı yoq etmek içün işğalciler bu raketa kompleksini qullanalar.

Qırım partizanları ögrendiler ki, 15. ayrı yalı raketa taqımı (a/q 80365) maqbul aletlerge saip ola. Olar, "Bastion-P"niñ yolunı ve ketken yerini ögrenip, Ukraina Mudafaa quvetlerine olarnı berdiler.

Telegram ve Facebookta Suspilne Qırım haberlerine abune oluñız

На початок