"2024 senesi Ukraina ğalebe qazanacaq": qırım faalcileri işğalcilerge rus parasında haber yazalar

"2024 senesi Ukraina ğalebe qazanacaq": qırım faalcileri işğalcilerge rus parasında haber yazalar

"2024 senesi Ukraina ğalebe qazanacaq": qırım faalcileri işğalcilerge rus parasında haber yazalar
Qırımda "Sarı şerit" faalcileri rus parasında şunı yazdılar: "2024, işğalniñ soñ senesidir. Ukraina ğalebe qazanacaq". Фото: Telegram/Жовта стрічка

Vaqtınca işğal etilgen Qırımda "Sarı şerit" qarşılıq areketiniñ faalcileri, rus recavuz rublelerinde 100 haber yazdılar. Olar bildirdiler ki, 2024 senesi, işğalniñ soñ senesi ve Ukraina içün ğalebe senesi olacaq.

Öz Telegram kanalında "Sarı şerit" bu aqqında haber berdi.

"Tükânda para alğanda işğalciler "Qırım, Ukrainadır" ve "2024 senesi Ukraina ğalebe qazanacaq", "Ukraina meydanı, 603 700 km2" kibi ifadelerni körecekler. Biz r**istlerge qarşılıq köstermege devam etemiz, çünki Qırım, Ukrainadır!", — dep faalciler qayd ettiler.

Qırımda "Sarı şerit" aqqında ne bilemiz

"Sarı şerit" içtimaiy qarşılıq areketiniñ terkibinde eñ az 6 biñ faalci vaqtınca işğal etilgen Qırımdandır. Olar, ruslarnıñ tesirine baqmadan, işğalge qarşılıq köstermege devam eteler, dep areketniñ idarecisi İvan Suspilne Qırımğa anlattı.

Praha bestekârı Tomaş Dvorak (Floex) ve VİETda işğalge qarşılıq areketi "Sarı Şerit"nen beraber ukrain sound prodüsseri İhor Kırılenko, bu areketniñ Yellow Ribbon adlı sountrackini yarattılar. Olarnıñ maqsadı, Ukrainanıñ vaqtınca işğal etilgen topraqlarda ukrain taraflı olğan ve bu sebebinden muntazam şekilde taqip etilgen insanlarğa diqqat celp etmek ve küreşniñ devam etkenini hatırlatmaqtır.

Boş aynıñ 21-inde "Sarı şerit" qarşılıq cemaat areketiniñ faalcileri, rus tecavuzcılarına qarşılıq köstergen işğal etilgen Qırımnıñ sakinlerini İtibar ve azatlıq kününen hayırladılar.

Qırımdaki Boyka dağında "Sarı şerit" areketiniñ faalcileri, işğalcilerge Qırımnıñ ukrain toprağı olğanını daa bir kere hatırlatmaq içün Ukrainanıñ bayrağını köterip astılar, dep areketniñ idarecisi Suspilne Qırımğa añlattı.

Telegram ve Facebookta Suspilne Qırım haberlerine abune oluñız

На початок