Kıyivde simfonik oda orkestri Qırım Hanınıñ 500 seneden daa eski eserlerini seslendirdi

Kıyivde simfonik oda orkestri Qırım Hanınıñ 500 seneden daa eski eserlerini seslendirdi

Kıyivde simfonik oda orkestri Qırım Hanınıñ 500 seneden daa eski eserlerini seslendirdi
Kıyivde "II Ğazı Geray Han: Ukrainanıñ muzıka mirası" kontserti, 2023 senesi ilk qış ayınıñ 21-i. Фото: Суспільне Крим

İlk qış ayınıñ 21-inde Kıyivdeki "Ukrain evi"nde "Kıyiv-Klasik" simfonik orkestriniñ oda çağlı taqımı "II Ğazı Geray Han: Ukrainanıñ muzıka mirası" kontsertini seslendirdi. II Bora Ğazı Geray qırım hanı ve belli bir şairi edi. Onıñ tahallüsi Gazayi edi. Onıñ şairiy ve muzıka eseleri, qırımtatar sanatınıñ tarihinda ayrı muhteşem bir devir olaraq sayılır.

Suspilne Qırım mühbiri bu aqqında haber berdi.

Leyhanıñ müellifi, Ukraina Milliy operasınıñ dirijöri German Makarenko añlattı ki, babası olğan Ulvi Ergunerniñ şahsiy toplamından eserlerniñ notalarını bergen türk muzıkacısı Kudsi Ergünernen işdeşligi vastasınen Kıyivde qırım hanınıñ eserleri taqdim etildi.

"Eki sene devamında levhanı azırlay edik. Birinciden, Türkiyeden zenaatdaşım Kudsi Ergunernen laf etmege başladıq. Bu, 2020 senesi boş ay edi. O ayttı ki, babasının şahsiy toplamında qırımtatar bestekârı II Ğazı Geray Hannıñ notaları bar. Men pek şaşırdım ve inanmadım. O, doğru olğanını ayttı. Maña yollamağa rica ettim", — dep Makarenko añlattı.

Birazdan bilgiler raqamlaştırıldı ve orkestr içün azırlandı. Bundan soñ çoq repetitsiya yaptıq, çünki o vaqıttan qalğan qırımtatar muzıkasını icra etmek zor.

"Men pek şanslım, çünki men inanılmağan bir define aldım. Medeniy, bediiy, tarihiy. Ve bundan soñ 16. asırnıñ temsilicisi olğan II Ğazı Geray Hannıñ yaratıcılığı ve muzıkasını 21. asırnıñ diñleyicilerine icra etmek içün faalca çalışmağa başladıq", — dep dirijör qayd etti.

Aynı zamanda Makarenko bildirdi ki, dünyanıñ er bir yerinden insanlarnıñ qırımtatar mirasınen tanış olmalarını istey.

Kıyivde simfonik oda orkestri Qırım Hanınıñ 500 seneden daa eski eserlerini seslendirdi
İlk qış ayınıñ 21-inde Kıyivdeki "Ukrain evi"nde "II Ğazı Geray Han: Ukrainanıñ muzıka mirası" kontsertinde Refat Çubarov, Emine Ceppar ve German Makarenko. Фото: Суспільне Крим

Qırımtatar halqınıñ vekili olğan Ukraina Tış işleri naziriniñ birinci muavini Emine Ceppar ve Qırımtatar Milliy Meclisiniñ başı Refat Çubarov bu kontsertni diñlediler.

"500 sene evel olğan Qırım aqqında bilgilerim, fikirlerim ve bugün diñlegenimden pek farqlana, çünki soviet propagandası ve Rusiye imperiyasınıñ Qırımnen bağlı propagandasınıñ fedalarımızdır. Çoqusı allarda bizge ayttılar ki, Qırım varvarlı edi ve II. Ekaterina qırımtatar Qırımğa medeniyet ketirgen. O ise bu medeniyetin yoq etken edi. Amma 500 yaşındaki bu tür muzıka diñlegende sen añlaysıñ ki, Qırımnıñ böyle yatırımlarğa, Rusiye imperiyasınıñ yatırımlarına ihtiyacı yoq edi", — dep Ceppar öz tüşüncilerinen paylaştı.

Kıyivde simfonik oda orkestri Qırım Hanınıñ 500 seneden daa eski eserlerini seslendirdi
İlk qış ayınıñ 21-inde Kıyivdeki "Ukrain evi"nde "II Ğazı Geray Han: Ukrainanıñ muzıka mirası" kontsertinde Refat Çubarov ve German Makarenko. Фото: Суспільне Крим

Aynı zamanda Çubarov ayttı ki, azat etilecek yarımadada da bu tür muzıkanıñ icra etilmesini istey.

"Niçündir men eminim ve pek inanam ki, tamam bu muzıka ve tamam German ve onın çalğı taqımı, azat etilecek Qırımdaki ilk kontsertlerden biri olur, çünki Qırım işğalden azat etilecek vaqıt ve Qırım azat etilecek soñ ne "Katüşa", ne de "Podmoskovnıe veçera" olur. O qırım topraqlarından kelgen aqiqiy muzıka ise olur", — dep Meclisniñ başı qayd etti.

Telegram, Viber ve Facebookta Suspilne Qırım haberlerine abune oluñız

На початок