İmayeciler, üç din erbabınıñ tutulmasını RF mahsus hızmetleriniñ camini QMDİniñ kontrolına keçirmek isteginen bağlaylar

İmayeciler, üç din erbabınıñ tutulmasını RF mahsus hızmetleriniñ camini QMDİniñ kontrolına keçirmek isteginen bağlaylar

İmayeciler, üç din erbabınıñ tutulmasını RF mahsus hızmetleriniñ camini QMDİniñ kontrolına keçirmek isteginen bağlaylar
Фото: Facebook/Кримська солідарність

Uquq qorçalayıcılar, boş aynıñ 23-ünde din erbapları olğan Yusuf Aşırov, Vilen Useinov ve Zinur Appazovnıñ tutulmasını rus quvetçileriniñ Aluştadaki camini “Qırım Musulmanları Diniy İdaresiniñ” kontrolına keçirmek isteginen bağlaylar.

Uquq imayeci Lütfiye Zudiyeva Suspline Qırımğa bu aqqında haber berdi.

"Bes belli ki, keçirulgen tevqif numayışı aqrasında tek qırım politsiyası ya da “E” merkezi turmay. Çoq sene devamında cemaat, “Yuqarı cami”niñ QMDİniñ (Qırım Musulmanları Diniy İdaresi - müar.) ve mahsus hızmetlerniñ kontrolına keçmesine yönelgen muntazam ücümler yaşamaqta. Cami ziyaretçileriniñ istegine qarşı bunı yapmağa isteyler. Yarımadada böyle tevqifler ve tesir vastasınen din monopoliyası yaratıla, amma bu, göñül çekmesi degildir”, - dep Lütfiye Zudiyeva añlattı.

Onıñ sözlerine köre, Aşırov çoq senedir Aluştada din merasimlerini keçire. Bunıñ içün mahsus hızmetlernen añlaşılğan shemalar vastasınen onı imam vazifesinden çıqaruv, insanlarnıñ işançını deñiştirmez ve bundan soñ yañı imamnı ümüt etmezler.

“Kerçekten de bir musulman cemaati içinde quvetçilerni idareci rolünde körmek pek hucur edi”, - dep Zudiyeva qoştı.

Şu anda “Aluşta” mustaqil musulman cemaatınıñ imamı Yusuf Aşırov Aqmescitteki “politsiya”nıñ 1. “Jeleznodorojnıy” bölüginiñ mahsus kamerasında buluna. Boş aynıñ 23-ünde tevqif etilgen daa eki adam, Aluştadaki vaqtınca tutuv izolâtorında buluna, dep advokat Rustem Kâmilev “Qırım birdemligi”ne haber berdi.

Boş aynıñ 23-ünde Qırımda üç din erbabınıñ tevqifi aqqında ne bilemiz

Boş aynıñ 23-ünde Aluşta şeer bölgesindeki Yuqarı Şuma ve Körbekül köylerinde din erbaplarınıñ evlerini tinttiler: “Yuqarı Cami”niñ imamı Yusuf Aşırov ve yerli din cemaatınıñ azaları Vilen Useinov ve Zinur Appazov. Olarnı tuttılar.

Aşırovğa eki künge tevqif etildi. Birinciden vicdan, din azatlıgı ve diniy birleşmeler aqında qanunlarnı bozaraq, qanunsız missioner faaliyeti sebebinden Aşırovğa qarşı memuriy protokol tizecek ediler. Amma qırımtatar adamı vesiqalarnı imzalamağa red etti. "Uquq qorçalayıxılar" bildirdiler ki, adam olarğa sögündi, bunıñ içün başqa küçuk yaramazlıq aqqında protokol (RF MBQniñ 20.1. maddesi) tizdiler. Aynı zamanda imam sögünmesini red ete.

İşğal makemesi Ukrainada yasaqlanğan rus içtmaiy ağında "VKontakte"de 2013 senesi post sebebinden Vilen Useinovnı tevqif etti. Anda beyaz bayraqta arap tilinde islâm imanı işareti qara boyanen yazılğan. Onıñ tercimesi böyle: "Allahtan başqa ilah yoqtır, Muhammed (s.a.v.) Allahnıñ Resûlüdir". RF MBQniñ 20.3. maddesiniñ 1. qısmında (Nefret ya da duşmanlıq yaratuv, insan itibarını aşalav) onı qabaatlaylar.

İşğal Aluşta şeer makemesi, Ukrainada yasaqlanğan rus içtmaiy ağında "VKontakte"de 2016 senesi video yayınlağanı sebebinden din erbabı Zinur Appazovnı 5 künge tevqif ettiler. Videoda Rusiyede yasaqlanğan ve terrorcı bir teşkilât olaraq tanınğan "İçkeriya ve Dağıstan halqlarınıñ kongressi" teşkilâtınıñ timsali ve işareti olğan bayraq ögünde bir adam söz ayta.

Mustaqil din cemaatı, işğalcilerniñ tesirini bir qaç kere yaşadı. 2019 senesi bozarğan aynıñ 10-unda Aluşta şeerinde, Körbekül köyünde ve Büyük Lambat qasabasında tintüvlerden soñ "Aluşta" cemaatınıñ başı Lenur Halilov ve teftiş eyyetiniñ azası Ruslan Mesutovnı tevqif ettiler.

Telegram, Viber ve Facebookta Suspilne Qırım haberlerine abune oluñız

На початок