Rusiye, halqara bazardan ukrain ububatını çıqarmağa istey, buna köre Qırımda tutulğan ukrain mina silâsını qullanaraq, içtimaiy gemilerge yol bermemek maqsadınen Qara deñizde tarik ete.
USQniñ Arbiy-deñiz quvetleriniñ nutuqçısı Dmıtro Pletençuk Suspilnege tefsir etkende bu aqqında haber berdi.
Onıñ sözlerine köre, maqbul areketler BMTnıñ deñiz uquğı şartnamesine zıt ve cenk urf-adetlerini boza.
“Ukrainanıñ içtimaiy gemilerge ketmege izin bermesi ve bu yañı koridornı teşkil etmesi, RFa büyük bir mania ola. Rusiyeniñ ise bu koridorğa resmiy tesiri yoq ve terrorcı bir devletnen kimse añlaşmadı. Elbette, Rusiye bunı böyle qolay bağışlamaycaq, çünki olar içün bu koridor, içeri vaziyetke tesir etken geosiyasiy alettirler. Olar içün o, tış siyasetinde de pek müim bir faktor”, - dep Pletençuk añlattı.
ADQniñ nutuqçısı qayd etti ki, bu ticaret yoluna mania olmaq içün işğalcilerx farqlı tarikler ara-sıra yapalar. Ruslarnıñ böyle usullarından biri, Qara deñizge yaldağan minalarnı qoymaqtır.
"Olarnıñ 2014 senesi ukrain Qırımda alğanları ve vesiqalarğa köre ukrain mina silâsı olğan şu mina silâsını sıq-sıq qullanmaları pek müimdir. Nasıldır aytışmalar keçirmek içün Rusiye, er bir usul qullanmağa azır. Elbette bu, RF tarafından adiy şantaj ve terrorcılıqtı, - dep qayd etti o.
Telegram, Viber ve Facebookta Suspilne Qırım haberlerine abune oluñız
