RF taqiqat eyyeti, emallıqları sebebinden bu sene başında qırımtatar siyasi mabüsi Cemil Ğafarov ölgen Rostov-na-Donudaki 5. SİZOnıñ hadimleri ve ekimlerine qarşı dava açmağa red etti.
Davanı açmağa talap etken advokat Rıfat Yahin "Qırım birdemligi"ne tefsit etkende bunı bildirdi.
"Qarar tamamınen beklenilgendir. Bes-belli ki, öz insanlarını kimse çaqmaycaq. Uquq ceetinden qarar elbette qanunsızdır. Çünki teşkerüv obyetiv olmay ve bir taraflı tarzda keçirildi, tek devlet hizmetiniñ işçileri soratıldı", — dep advokat qayd etti.
Aynı zamanda onıñ sözlerine köre, maqbul insanlar da bildirdiler ki, siyasi mabüs er vaqıt sağlık alına şikayet ete edi. Amma taqiqatçılar, Novoçerkasktaki 2. SİZOda Ğafarovnen beraber bir kamerada oturğanlarnen laf etmegenlerini qayd etti. Gafarovnı Rostov-na-Donudaki 5. SİZOdan Novoçerkaskqa etap etken közeticilernen de laf etmegenler.
Yahin, rus apishanesinde qırımtatarnıñ ölümini taqiqat etme redine şikâyet berip bermeycegini bilmey, çünki bu hitaplar "er şeyniñ qanunlı ve sebepli olğanını bildirgen red etüvler kibidir".
"Sistema menfaatı olsa, anda er şey çalışır. Ğafarovnıñ siyasi davasında sistemağa qarşı çıkmağa kimse istemey", — dep qayd etti o.
Cemil Ğafarov aqqında ne bilemiz
- 2023 senesi kiçik aynıñ 10-unda Rostov-na-Donudaki Rusiye 61. FCVPde 60 yaşındaki qırımtatar faalcisi Cemil Ğafarov vefat etti. Bundan evel RF makemesi, 2003 senesinden berli Rusiyede terror bir teşkilâtı olaraq tanınğan "Hizb ut-Tahrir" teşkilâtınıñ faaliyetine ait olmaqta onı qabaatladı.
- Tibbiy esabat kösterdi ki, sebebi qalp aterosklerotik hastalığı olğan keskin qalp-damar kimliği sebebinden o vefat etti. Novoçerkaskqa etap etilgen bir qaç kün soñ Ğafarov vefat etti.
- Onıñ büyrekler dializine ihtiyacı bar edi ve makeme oturışlarında çoq kere bildirdi ki, tek ceryanlarğa azırlanamay degil, anda bulunamay da.
- Keçken sene Ğafarov, qalp krizini yaşadı. Onıñ sözlerine köre, SİZOnıñ memuriyeti oña tibbiy yardım etmege çoq kere red etken. Aynı zamanda advokatlar qayd ete ediler ki, Ğafarovnı SİZOda tutumaq, ayatı içün telükelidir.
- Qara qış ayınıñ 11-inde Rusiyeniñ Rostov-na-Donuda şeerindeki Cenübiy bölge arbiy makemesinde qırım musulmanları davasınıñ iştirakçileri olğan Server Gaziev, Cemil Ğafarov, Alim Qarımov, Seyran Murtaza ve Erfan Osmanovğa üküm çıqarıldı. Olar, umumen 65 senelik üküm aldılar.
- Qara qış ayınıñ 14-ünde belli oldı ki, maküm etilgen qırımtatar siyasi mabüsi Cemil Ğafarovnıñ sağlığı "pek zayıf oldı".
- 11 sene Qırımda o, çoq milletli işçilernen bir müessiseniñ reberi edi ve Aqmescit rayonındaki ana qasabası - Starohonivkağa suv teminatı meselesini al ete edi. Ant makeme oturışınıñ terkibine de devam etildi, amma hastalığı sebebinden bu tür teklif alamadı.
Telegram, Viber ve Facebookta Suspilne Qırım haberlerine abune oluñız
