Aqmescitteki 2. taqiqat izolâtorında işğalciler, arman ayınıñ 24-ünde apis etilgen qırımtatar faalcisi Amethan Umerovnı saqalını kestirmege mecbu ettiler.
Maznunnı izolâtorda ziyaret etken advokat Edem Semedlâyev bunı "Qırım birdemligi"ne haber berdi.
"Tutulğanım kün, makeme oturışından soñ Amethannı taqiqat izolâtorına ketirdiler: onı ve daa eki vatandaşı, dostunı", - dep ayttı o.
Taqiqat izolâtorında qayd etkende Umerovnıñ aşayt mahsulatını ve şahsi eşyalarının qısmını alıp çıqardılar.
Advokat qayd etti ki, izolâtorda ciddiy tutuv şartları: 6:00 - 22:00 saatleri yataqta oturmağa ve yatmağa yasaqlandı. Bunıñ içün er vaqıt mabüsler turaraq ya da demir iskemlede oturaraq vaqıt keçireler.
Bundan ğayrı, başqa qırımtatar siyasiy mabüslerinden bu taqiqat izolâtorına şikâyetler bar ediler. Şu cümleden, taqiqat izolâtorında qayd etkende Canköy rayonından Ekrem Kroşnıñ qaburğalarına tiznen bir qaç urdılar, şahsiy eşayları ve aşayt mahsulatını alıp çıqardılar. Aynı zamanda 2. taqiqat izolâtorında Asan ve Aziz Ahtemovnı Rusiye gimnini ezberlemege mecbur ete ediler.
Amethan Umerov aqqında ne bilemiz
- 37 yaşındaki Amethan Umerovnıñ 18 yaşına yetmegen dört balası bar. 2019 senesi Moskvada adam piketke çıqtı, bu sebebinden tutuldı ve RFnıñ MBQniñ 20.2. maddesiniñ 5. qısmına mücibi "nazarlık aktsiyasınıñ nizamını bozğanı" içün para cezasını aldı.
- 2021 senesi Qırımda "makeme" binası yanında işğalciler onı tuttılar ve RFnıñ MBQniñ 20.6.1. maddesine mücibi "FV ya da onıñ peyda olması telükesi vaqtında qaidelerni riayet etmegeni" içün para cezasını berdiler.
- 2022 senesi faalci, RFnıñ MBQniñ 20.2.2. maddesine mücibi "içtimai nizamnı bozğan bir yerde vatandaşlarnıñ kütlaviy bulunmalarını teşkil etüv" sebebinden tevqif astında bir qaç kün keçirdi.
- 2023 senesi arman ayınıñ 24-ünde saat 04:00te işğalciler, Bağçasaray rayonında ve Bağçasarayda qırımtatarlarnıñ evlerini tinttiler.
- RFnıñ CQniñ 205.5. maddesine (Terror teşkilâtınıñ faaliyetini teşkil etüv ve bu tür teşkilâtnıñ faaliyetinde iştirak etüv) mücibi onı ve "Qırım birdemligi"niñ altı faalcisini tuttılar.
- O kün aqşam maalinde işğal Kıyiv rayon makemesinde Amethan Umerov, Remzi Nimetulayev ve Ruslan Asanovğa qorçalayıcı tedbirni saylavnen bağlı makeme oturışı keçirildi. Ekim ayınıñ soñunda qadar olarnı Aqmescitteki 2. taqiqat izolâtorında tutacaqlar.
Telegram, Viber ve Facebookta Suspilne Qırım haberlerine abune oluñız
